老妹生来一塘莲,莲花开来向上天。
阿哥好比冷露水,点点落在你身边。
老妹生来芙蓉花,朵朵开上唔开下。
阿哥好比冷露水,点点落在你身下。
老妹生来红似白,好比深山石榴花。
牙齿好比高山雪,奶陀好比冬笋芽。
老妹一身白皮皮,好比冬瓜削了皮。
好比冬瓜削了肉,好比蕃豆脱了衣。
老妹生来嫩肥肥,辫子打下耳朵尾。
眼拐打来心割肉,阿哥有钱吃你亏。
老妹生来介直条,拿来核担可惜了。
老妹唔系核担介,只因家中苦押了。
老妹生来介直条,赛过杨村太平桥。
太平桥上好过马,老妹面前好伸腰。
阿妹生来冇几大,样般介会打眼界?
阿哥问你样般打,多少银钱教会涯。
阿妹生来就甘大,涯也唔晓打眼界。
你要问涯样般打,肩头一缩眼一睐。
阿妹生来冇几高,东西生在半中腰。
三碗田螺冇碗肉,样般价钱喊这高?
阿妹生来鸭仔形,冇油冇盐腥拼拼。
阿哥生有红辣子,俩人合起味道新。
阿妹生来豆腐形,冇涯石膏磨唔成。
阿哥同妹睡两夜,冇皮冇骨变成人。
阿妹生了什么疮,冇时冇途都喊痒。
阿哥同妹睡一夜,当得郎中赐药方。
老妹身前两陀奶,衬衫遮稳哥唔见。
阿哥手摸食一口,当得三分高丽参。
心肝阿哥蛮大胆,老妹奶子你敢拿。
空手去来空手转,又冇香来又有甜。
吃得再饱会肚饥,聊得久了会想你。
走到半路来分阵,好比蚁公剪了须。
|