媳:十八小姐三岁郎，抱抱掺掺抱上床，

涯唔看你爷娘面，一脚踢你见阎王，

你做崽来涯做娘。

姐:十八小姐新埔娘，小小心心带大郎，
带大郎子十五六，十五十六月团圆，
生儿育女到白头。

媳:隔壁姐，你唔知，肚饱唔晓肚中知；

口渴难等新开井，等到日出月落西，

等到郎大妹老哩。

婆:偷人婉，贱东西，开张八字嫁了你；

嫁个老公八十岁，捡柴买米你该死，

今后跌苦就迟延。

媳:老家精，老家王，硬要嫁涯俚唔慌；

十字街上走一转，碰见几多少年郎，

比你崽子精又靓。

婆:偷人麻，烂光告，话了嫁你唔嫁你；

涯崽好比烂草鞋，你就好比癞婆鸡，

涯等唔解阵死你。