烟烟烟，烟上天，

烟醒天上老神仙。

神仙神仙听涯话，

人间女儿唔要嫁。

嫁个恶老家，

半世受折磨。

嫁个哑憎古，

一世冇商量。

嫁个势利佬，

爷姥受气饱。

嫁个挑脚人，

当得守活寡。

嫁个流浪汉，

筷子唔沾碗。

嫁个读书郎，

半夜唔上床。

神仙神仙你爱晓，

做个女儿好烦恼。

一生一世唔愿嫁，

又怕别人讲闲话。

有缘嫁个好后生，

哪有亲事自家定。

神仙神仙你来判，

人家女儿样般办？