食了白米记住碓，风流快活记住妹。

衫帕帕了几多米，园中摘了几多菜。

食了白米记住糠，风流快活记住郎。

拿了几多妹零用，帮了几多妹春荒。

阿哥出屋大门去，老妹小门看紧你。

阿哥回头又转眼，如唔舍得就唔去。

阿哥出屋你爱归，唔要年头到年尾。

你爱一月归两转，唔要一年归一回。

阿哥出门初次归，老妹看到笑****。

老妹爱笑哥唔笑，一定阿哥冇钱归。

阿哥出门又归哩，老妹行前来问你。

俩人行前讲句话，有冇买到妹东西?

心肝老妹涯话你，唔前买到妹东西。

走到龙南又冇买，走到桃江散了圩。

阿哥讲话甘古怪，打个设谎来骗涯。

龙南桃江老字号，样般丝线都冇买?

阿哥出门做生意，过来老妹问事你。

带了几多银钱转？买了几多妹东西?

阿哥出门进考场，老妹送在大路上。

阿哥问妹要嘛介?上好丝线带二两。

阿哥出门做生意，老妹话事介依嘻。

有角田来有角土，哪有东西打扮你?